واما اسمع إنك بتصومى
واما اسمع إنك بتصومى..
عن كل شبيه ليّا ف حلمك..
وبتجرى من الذكرى لبكرة/واخدك منك
واتنفس وجعك ف كلامك..
وانا عايش بيكى وعلشانك..
وانتى مُصِرة انى ابعد حاضر../هبعد عنك
واما اهرب ف عنيكى واسامح..
واسجن نفسى ف سجن امبارح..
واتعشى من البوح المالح/وارفض بكرة
واعشق تفاصيلك فى حروفى..
وانا تايه بين عجزى وخوفى..
منقوشة خريطة على كفوفى/مليون فكرة
انا هبعد فيكى وهنسانى..
وانفيكى ف قلبى وعلشانى..
راضى انى اتحمل مشاويرك /راضى الغربة
واما ارضى انى اغير روحى..
واتخفى بلون وجعك عادى؟!!
انا هنسى ثباتى ف ملكوتك/وارضى بعادى
واتصبر بجدايل شعرك ..
فى الحلم بتتحل عشانى..
ويقولوا ..اتجن مانا بقولك.. انا عاقل مجنون /وأنانى
