بتحب ف الدانتيل
إيناس البنا
بتحب ف الدانتيل
و بترسمه تحت العنين برقع
ماشي النظر على طرف رمش
تبص له
أيوة هناك ع الناصية واقف ماسك الجورنال
مبروم على العين الشمال / منظار
و بيغمز باليمين
بيوقع الصيف م الشجر
نازلين ضحايا ف حكم كلمة" إستوى "
نص القلوب طازة
ونصهم على دقتين عايشين خفاف
سقف / ف وقفوا/ و قال :لطاف نتعشى حاف
جنية الدانتيل طارت
كرمشت مكتوب
قالت له يا مجذوب
محكوم عليك
تعشق دموعك على ورقة صفرا فرز تالت
من نطرة الملح ف عنيهم للهوا
ف المشربية
بنية من تحت الورق
طلت عليك و خبيزها من يومه أتحرق
من زنقة الجورنال
شايفة ف اديك إسود خفيف
و إنت شايفها كام رغيف
....؛
