إثمك مشطوب
او طٌهر ذنوبك كان مانع
علشان ماتبانش قصادي
مدان
اقرالي كتابك
ف الكواليس
واعمللي بروفه
ليوم العرض
هتبان عريان
فما تتوترش
الناس مرايات
فمتسترهمش
خليك سرطان
واتمدد جوه ارواحهم
شك
يا ابو قلب حبيس
الكفر مكانش لوحده سبيل
علشان الرب يبص عليك
قَشَّرت ف روحك للملكوت
تفُّوك الخلق
واتبعتر كُلَّك ف السماوات
الكبت عجوز
فمتستهونش بضعفك
لما يسوق ف الضعف
ومتستضحكش تراب الأرض
ولا تنَكِّت
باسم التجديد
الضحك بليد
وخروجك بره سياق النص
نشاذ مرفوض
اقرالي كتابك م الأول
الذنب ماهوش
حِمل استئصال
(صفا)
