داليا الحسيني
وأخاف عنيا بعنيا يتقابلو
وأخاف أقول للحزن أنا قابله
وأخاف من بكره وقبله
لو ع جرحي يتقابلو
مش ضعف يا دنيا
لو أبكي ع حالي
تصعب علي نفسي
في اللي بيجرالي
أنا أولى الناس بي
اسئل وأقول مالي
تفتكري إيه أقوى
من إني أكون حضني
ع جرحي أنا بقوى
وأبات طبيب نفسي
أقع وأوقفني
من تاني ع رجلي
أضيع وارجعني
وكأني أبوي وأمي
أموت وأحييني
اسقيني من دمي
فإيه يعني لو مره
مرضاش أصارحها
مرضاش أواجهها
باللي هيجرحها
وأقول خليها
عايشه بأملها
الموته مش سهله
ليه أعجلها ..
وأخاف عنيا بعنيا يتقابلوا
وأخاف أقول للحزن أنا قابله
وأخاف من بكره وقبله
لو ع جرحي يتقابلوا
وأخاف ..
