قـالولك هتعشق
دنيا أحمد
قـالولك هتعشق
وتغزل أغاني
وتحلم تشوفها
وترسم أماني
وتبني القصور
وتبعـد .. تثور
وترجع لوحدك
و تعشقها تاني !!
مافيش فايده منك
مافيش فايده فيها !
بتتقل وتعند
ولسـاك شاريها !
تجرب
تبـطل تدور عليها
تلاقي عينيها
تميل عليك !
وتشتاق لغيرتك
ولمسه أيديك !
و تعرف مصيرها
وتتمني غيرها
وغيرها هتعند
وتأسر عينيك !..
قالولك هتعشق
وتغزل أغاني
قالولك هتبقي
وبقيت حد تاني
بتشرق حياته
في وقت الغروب !
يخاف يوم يقرب
يعيد السيناريو
يخاف يوم يفارق
يكـمل هروب !
