يمكن الأزمه الأخيرة
أميرة الوصيف
يمكن الأزمه الأخيرة
جَت كمان تقضي عليه
قالوا : شاعر فَج سافر
وان مات لن نبكي عليه
قالوا : شاعر رجعي فاجر
وان كفر تقطع ايديه !
قالوا : يقبض م الأجانب
و بلادنا ما تملى عينيه
يمكن الأزمة الأخيرة
جَت كمان تقضي عليه
أصله دايماً كان صريح
كان يقول الشِعر ف مكانه الصحيح
كان يحير الصحافة
بردو و بتوع "الثقافة "
كان يخلي كل فاسد
يفتكر فيه انه عاب !
وده كان له حق
انه يموت م الإكتئاب
