وده كان له حق
أميرة الوصيف
وده كان له حق
انه يموت م الإكتئاب !
أصل لما يومه أذنب
أمسه تاب !
و أما أقسم مية يمين
إن ظنه بالحبيب لن يخيب
بردو خاب !
و أما رسم أصحابه كدواير ف حضنه
الي منهم دفا قلبه
والي منهم ياما غاب !
والي بَدَع فيه بقصايد شِعر حلوة
والي قال ده طلع له "ناب " !
وده كان له حق
انه يموت م الإكتئاب
أصله دايماً كان صريح
كان يقول الشِعر ف مكانه الصحيح
كان يحير الصحافة
بردو و بتوع "الثقافة "
كان يخلي كل فاسد
يفتكر فيه انه عاب !
وده كان له حق
انه يموت م الإكتئاب
