ازدو_جنس | شيماء كامل

ازدو_جنس

حلمى راجل..

بس درءاً للمشاكل عشت راضية باللى فيه

زى ضلى ملازمة ليه..

كل حلمى ف قلبى ساكن..

زفة ..طرحة ..حبيب ولكن

من شتاتى مابين #روحينى تايهة ..حار تفسيرى إيه؟

سجنى واسع كون بحالُه..

عايشة ف شقوقه وحُطامه..

راسمه بين كل الزوايا كل حلم حلمت بيه

تايهة صورتى فى المرايا..

شايفة حد ومش معايا..

شايفة شكل مهوش عشانى ..صورة باهتة مموتانى

زى وسواس طيش غوانى ..

صوت نادانى وقالى فوقى ..طبعى عاشق جنس تانى

ناسى بيا مصدقين..وانى راجل مستقيم

بس رغم الصُحبة عايشة

وِحدة مقسومة #بروحين

لو هثور مين اللى يرضى بثورة خارجة من هجين؟

وان رضيت باللى انكتب لى ..

واللى ما طمنش جهلى ..

واللى هو ف أصلة لعنة كُفر بالجنس المُبين

ده قرارى وجه معاده؟؟

ومين بعادُه..هييجى رد على اللى ناوية فيه اكون؟

ومين هيبقى ضدى بعد ماتوهت فيه الظنون؟

ومين هيسمحلى أكون؟!!

عايشة مابين نار ..ونار

نار لقُصر اليد قايدة فوق أتون الانتظار

نار لكُفرى #بازدواجى

وانى لعنة وانحطاطى ..لكونى عدلت المسار

بس لابد النهار ..

ييجى بعد العتمة دايما ..

ليه صعودى بقى انحدار؟؟

ليه ماعيشى زى غيرى واطفى جوايا النهار..

هو مكتوب لى#ازدواجى

وانه عادى وشيئ ارادى؟!

دنيا عامية..

ظالمة ..خاينة..

راضية وش الغش عادى..وش سادى

مش هنخضع م السعادى..

وش فقرى هدوسه دوغرى وارمى وشى الافتراضى

كنت كاره ولا راضى ..

رافضة سجلت#اعتراضى

شاطبة خوفى من سجلك يا زمن ..زيف القواضى

واللقا فى قضية تانية..

والختام..

ويــــّا احتجاجى..