۩۞۩ صعبان عليّا ۩۞۩
هناء نوار
برغم كل اللى عملته فيا
صعبان عليّا
قسيت عليّا
و جرّحت فيا
سهّرت ليلى
و بكّيت عنيّا
و بدل مانا اللى أصعب عليك
طلعت إنت اللى صعبان عليّا
حظى كدة
بالشكل دا
أعشق و أدوب
و ألقاك كدة
قاسي و قساوتك بتهِد فيّا
و صعبان عليّا
صعبان عليّا حالى
ماصعبش عليك يا غالى
مِ الحب أنا خدت إيه
أستاهل ما جرالى
كنت كل دنيتى
كنت فرحى و دمعتى
كنت أغلى عندى منّى
حتى أغلى من نور عنية
صعبان عليّا
قلبي اللى حَبك
كان لك ضحية
مليته قسوة بعد حنية
إوعاه فِ يوم يِصعب عليك
لا والله دانت اللى صعبان عليّا
حقيقي جد
صعبان عليّا
