ﻟﻤﻴﺎﺀ ﺣﻤﺪﻱ
كلام في الوجع
وف نص الليل حلت ضفايرها
وشقت بآهة مكلومة سكات الحي
وجعت بكلمة "يااااااااارب"
قلب اللي سمعها
وامنوا وراها لما قالت :
"ابسطها يا حي "
دا حتى البكا بالليل يجيب الغم ...
وانتي عينيكي الدبلانين نشفت دموعهم
والنواح كلب نباح يجيب الفقر
وصوتك المشروخ بقى للاهات قبر
فلملمي وجعك ف قلبك واسكتي ...
طول عمره صوتك..
- رغم ألمك -
ممنوع م الصرف
************
الخوف
**********
ﻭﻟﻮ ﺧﺎﻳﻒ ﻳﻤﻮﺕ ﻗﻠﺒﻚ ..
في ليل ساكت بدون اوجاع
ﺍﺩﺑﺢ ﻟﻪ ﻓﻲ ﻟﻴﻞ ﺿﺎﻳﻊ ...
ﺧﻮﻓﻚ ونبضك الملتاع ..
ﻭﺍﺭﺳﻢ ﻟه بشوق بارد
ﺳﻬم راشق على الجدران ...
ﺧﻠﻴﻪ ﻳﺠﻤﺪ .. خليه يجمد ﻳ
ﺒﻄﻞ ﺩﻕ على البيبان...
ﺩﻩ ﻳﺎﻣﺎ حيرك ليلك
ولا الولهان.
ﻭﻳﺎﻣﺎ ﺿﺤﻚ ﻋﻠﻰ ﺩﻣﻮﻋﻚ
وعامل نفسه قال الغلبان
.
.
.
