ع التوته
رشا الفوال
كبروا العيال بالدور
وسابونى للحواديت
حدوتة جنب السور
حدوته تسقى الورد
غابوا العيال عن بعض
وانا لسه رغم البُعد
فى الحلم باتشعبط
غابوا العيال ازاى
وانا لسه شايفاهم
بيخططوا للجاى
وانا تايهة وياهم
عيل معاه ألوان
ع الحيطه بيشخبط
عيل عشان زعلان
يؤمر ويتشرط
عيل دموعه تبان
وفـ ثانية بيزقطط
كبروا العيال فى السِن
غاب الأمان عنِى
ولا حَد فيهم حَن
ولا حَد يوم خَبَط
