وفاء شعبان
《خلطة حوااا 》
مش علشان انا << حواااا >>
مجبورة اعيش بجناح مكسور
انا عندى (خلطة ) من القوة
تهد جبال و تعدى بحور
بيقولوا عليا انى ضعيفة
طب ما يقولوا!!!
هيفيد بأيه كلام الناس
لا هيقدم ولا هيأخر
مالوش معنى ولا حتى اساس
ولو من تقله هكش واخاف
هلاقى حلمي متبخر
والوقت يدوب ما بيكفيش
والعمر بيتسرسب منى
وان جات فرصة همسكها واعيش
ودعايا لربى مطمنى
طول مانا صح هخاف من ايه؟؟
ايه ف الدنيا راح ابقى عليه!!
لغاية امتى هرضي الناس على حسابى
وليه هقبل اكون دوبلير !!
واضيع عمري وشبابي بمثل دور مالوش تأثير
وحتى اسمى مش مكتوب ببونت كبير
يدوب ك خيال على طرف افيش
وحتى الخط مش ظاهر
الدنيا دى محتاجة التطنيش
طالما هدفي كان طاهر
علشان كده قررت اعيش
انا ما بقتش زى زمان
انا مش هحبس نفسي فى قمقم
انا قررت يكونلى كيان
