يـــا حالك
ـــــــــ
ـــــــــ
يا حالك ..
وانت موجوعه
بأحوالنا وأحوالك
وموالك ..!!
قليل الحيله موالك ..
بيتمايل
كما السكران
وبيحدك ..
سواد حالك
بيتهادى
كما النشوان
وكان الحلم..مش مالك
وبيفرفر على الأغصان
حلاوة الروح
بتنزف بوح
بتتنطط
ف كل حروفك الهايمه
بتتمطوح
على نيلك
كما المدبوح
وفجأه تطب.. تتسطح..!!
مينفعشى الغُنا والقوووول
ميشفعشى
ف هواكى رسول
أنا نبته
وأرضك حضنى يا امايه
وأنا تايه
ف وسط ميدان
ما بين صرخه و غنوايه
مــ أنا اللّى ب عشقك المقتووول
وقلبى اتفك من قيييييده..
وطُلت بإيدى نجمايه
ولسه يدوب
هاقووول فرحان
بقيت عنك خلاص مسؤل
فـمدّلنا الغراب إيده
عشان يخطف
بواقى الحلم من سيده.. وم الغربان
فـ قسّمناكى مدبوحه
ما بين سنى ونصرانى مع الإخوان
وحزب فلان ..وحزب فلان
بقيييت ف الغربه رحالك
و تاااه ف الزحمه موالك..
وضاع مالك ..!!
وراح حالك..ومحتالك
يا موجوعه
بأحوالنا وأحوالك
فبترجاااكى
متسامحيش
ولا حاكم ولا غاصب
ولا حاقد ولا حاسد
ولا غاضب
ولا تسامحى ف يوم مُضرب ولا حرنــان
متتراجعيش
ولو حكمت يا أمى نموت
ومااااله نموت
عشان إسمك
يا غاليه يعيش
ــــــــ
هبه عبد الوهاب
وأرضك حضنى يا امايه
وأنا تايه
ف وسط ميدان
ما بين صرخه و غنوايه
مــ أنا اللّى ب عشقك المقتووول
وقلبى اتفك من قيييييده..
وطُلت بإيدى نجمايه
ولسه يدوب
هاقووول فرحان
بقيت عنك خلاص مسؤل
فـمدّلنا الغراب إيده
عشان يخطف
بواقى الحلم من سيده.. وم الغربان
فـ قسّمناكى مدبوحه
ما بين سنى ونصرانى مع الإخوان
وحزب فلان ..وحزب فلان
بقيييت ف الغربه رحالك
و تاااه ف الزحمه موالك..
وضاع مالك ..!!
وراح حالك..ومحتالك
يا موجوعه
بأحوالنا وأحوالك
فبترجاااكى
متسامحيش
ولا حاكم ولا غاصب
ولا حاقد ولا حاسد
ولا غاضب
ولا تسامحى ف يوم مُضرب ولا حرنــان
متتراجعيش
ولو حكمت يا أمى نموت
ومااااله نموت
عشان إسمك
يا غاليه يعيش
ــــــــ
هبه عبد الوهاب
