الدرب اللي مابتوشوش خطواتي
الدرب اللي مابتوشوش خطواتي كلما سمْعتها... اشتأتلك ....!
مو دربي ...
والرصيف اللي مابتغمزلي عربشات ياسمينو بسرقاتي لبراعمو وأسرارنا المخباية...!
مابعرفو ....
والأبواب اللي أنا بمرّ قدامها ومابتناديلي وين أيامك ...؟
و ما بيتعبني الحنين تا ارتاح على عتباتها ...!
مو عنواني .....
و عم رقّع أيام الغربة و الدروب اللي مابتعرف عني شي لما بمشيها ...!
بصور وذكرياتك ياوطن ...!
وحاملة سلال الفل الأبيض لأيامك .....
يمكن بعطر ورقاتها تهدا خطوات العمر ويحسّ قلبي ....
بشوية دفا .....
