في رثاء أم
إنتي اللي باقيالي يامّه
يا كل الناس الطيبين
إنتي اللي باقيالي لمّا
سابني الفرح وملاني الأنين
ردّي عليّا ... كلميني ..
سايباني ورايحة فين ..
الله يرحمك ... يا ماما
روحك في درب السلامة
ابتسامتك الأخيرة
طمنتني .. و دي العلامة
ارتاحي ونامي
إنتي عايشة جوه قلبي
قولي لربنا :
.. أنا عايزة ابني جنبي
ياللي كنتي واخدة حسّي
كنتي أملي .. وقت يأسي
مين دلوقتي يراضيني
يطبطب عليّا ويدعيلي
يومي أصبح زي أمسي
آآآآآآه ... صبرني ياربّي
ما على العاشق ملامة
الله يرحمك .. يا مـامـا
