‫#‏اللى_فاضل_طرح_خاب‬ | شيماء كامل

‫#‏جديد‬
‫#‏اللى_فاضل_طرح_خاب‬
ياللى زَرعك فى الجناين شوق وصبر على الفراق

طعم مُر مراره رَاق..

تجنى وردك شوكه دابل..

ريحته ألعن م المزابل..

لونه نَزف القلب فوقه من أثار أخر عناق

لسه مستنى النعيم؟!!

طرحُه تايه من سنين.

وسط أخر ذكرى بينا...وسط أخر كلمتين

قبلا فاكر انت مين؟؟

كُنا فين؟..

ولا فاكر بس غدره واننا م المخدوعين

ناى حزين..

بات بيعزف فوق ألامك رشها بعطر الحنين

كُنا فين..وبقينا فين؟

بعتذر لك عن خضوعى.

واستكانة قلبى بيك.

بعتذر عن ذكرى تايهة..كان غرضها تزور عينيك

بعتذر عن شوق بناتى..

حاسس ان ميلاده ليك..

جه يناديك..

بعتذر لو كنت ساذجة..

بعتذر عن اه كمانجة..سمعتها يوم بتلاغيك

كل كلمة معاك يقين..

كل كلمة مشيت وراها عبدتها فى القبلتين

سُنة..فرض..وحجتين

سبحة بتعبد حروفها واذكرك فى الذاكرين

كل حرف عشقت ذاته

حتى صوته واشتياقه

عشت مخلص ليه وهو ..

حرف داعر من كتير..

شوقه داعر..

قلبه فاجر..

حتى وعده ف وسط زيفه كان سعير

فات كتير..

واهو كله زايل..

واللى باقى بخت مايل..

صورة ورا 100 لوح ازاز..

ده اللى فاضل طرح خاب..

‫#‏شيما‬

‫#‏سبحة‬ لولى