شهيد لذة
.............
قالوا اللذات دى نار وحرير
وواخدة من عقولنا كتير
بيبقى الفعل اه واحد
وف الدنيا ب100 تفسير
وايه م اللذة غاويكوا؟
سايق شوقكوا وكاويكوا؟
ومتسلط على روحكوا
وف الاخرة دى نار وجحيم
يا شارى الدنيا بمعَزة
دى فيها للقلوب لذة
وفيها للعقول عبرة
لكن للراسى لا مؤاخذة
يا باصص للحريم لذة
ومن لذة الى لذة
بتتنقل وبتغَير
كطير خايب بيتأذى
يا صاحبى دا الكسل لذة
حلاوته ونشوته بهزة
بتسرى ف دمك اكمنك
عايش بلا عقل بلا عِزة
ويا غاوى م الفنون شهرة
دى شهد ولسعته مُرة
يا تسعد بيها وترفرف
يا تشقى وتبقى م الضالين
ويا غاوى الوطن لذة
وصوتك رافعة ع المدنى
وبتقول الوطن باقى
تلاقى سهامه فيك غارزة
ساعتها تحس بالنشوة
وتبقى شهيد..شهيد لذة
