انا ابنك
........
أنا لون الصبح المفتون
والورد العاشق بجنون
أنا نسمة تطرى على فؤادك
لو زاد الحر المجنون
أنا كلمة اتقالت فى نشيدك
موال اتردد على نيلك
أنا اسم شهيد مكتوب عندك
فى دفاترك مستنى الدور
أنا لما تقولى انا بتوجع
صوتك بيجلجل ويسمع
والقانى جريت لك وبداوى
مانا أصلى بعشقك متلوع
أنا دمى حلال خدى واتحنى
لو اسمى كمان عاجبك غنى
خليه موال بلسان حالك
وفداكى انتى العين والروح
أنا إبنك طايع ومسلم
لكن جواه نقص معلم
من قلة اصل ولاد تانية
أفضل ساكت ولا اتكلم؟
